पुस्तक
सिद्धान्तको मौलिक प्रस्तुति
डाइमेन्सन्स अफ कम्युनिकेसन
लेखकः पी.खरेल
प्रकाशकः नेपाल एसोसिएसन अफ मिडिया एडुकर्ेर्टस
पृष्ठः १४८ मूल्यः उल्लेख नगरिएको
|
लामो समयदेखि पत्रकारिता प्राध्यापनमा संलग्न खरेलले आमसञ्चारसम्बन्धी केही महत्त्वपर्ूण्ा र उपयोगी सिद्धान्त तथा नमुनाहरूलाई मौलिक भाषा र शैलीमा एउटै पुस्तकमा प्रस्तुत गरेका छन् । सञ्चार(आमसञ्चार, प्रक्रिया र नमुना, श्रोता वा पाठक, सूचना समाज, आमसञ्चार स्वामित्व, व्यावसायिकता, नैतिकता, आमसञ्चार र संस्कृतिजस्ता विषयमा नेपाली उदाहरणका साथ चर्चा गरिनु प्रस्तुत पुस्तकको विशेषता मान्न सकिन्छ । पुस्तकमा व्यावसायिकता र पेशागत नैतिकताको चर्चा गर्ने क्रममा नेपाली पत्रकारहरूको आचारसंहिता र नेपाली साप्ताहिकहरूको प्रसङ्ग प्रस्तुत गरिएको छ । |
संस्कृति जोगाउने चिन्ता
मिडिया एण्ड कल्चर
लेखकः विजय चालिसे
प्रकाशकः विवेक सृजनशील पब्लिकेसन प्रा.लि., काठमाडौं
पृष्ठः ८४, मूल्यः रु.६०
|
चार खण्डमा विभक्त पुस्तकको अन्तिम खण्डमा संस्कृति र मिडियाबीचको अन्तरसम्बन्धलाई केलाउने जमर्को गरिएको छ । दैनिक अखबारमा प्रकाशित लेखहरूलाई सूचनाप्रणाली, मिडिया प्रवृत्ति, मिडिया नीति तथा मिडिया र कल्चरजस्ता शर्ीष्ाकअर्न्तर्गत समेटिएको छ । शाही शासनका बेला नेपाली मिडियाले भोग्नु परेको अवस्थालाई पनि पुस्तकमा उतारिएको छ । गोरखापत्र दैनिकका प्रधान सम्पादक चालिसेले राष्ट्रिय संस्कृतिको पर््रवर्द्धनमा नेपाली मिडियाको भूमिकाको अपेक्षा गरेका छन् । संस्कृतिको भूमण्डलीकरणका क्रममा नेपाली पहिचानको उनलाई चिन्ता लागेको छ । |
आजको नेपाली पत्रकारिता
मिडिया संवादः नेपाली पत्रकारिताबारे अन्तर्वार्ता
सम्पादकः शेखर पराजुली
प्रकाशकः मार्टिन चौतारी, काठमाडौं
पृष्ठः २१८±१०, मूल्यः रु. १५०
|
नेपाली मिडियाको गुणात्मक सुधारका निम्ति बहस चलाउने अभ्रि्रायका साथ तयार परिएको पुस्तकमा पत्रकारिताका अतिरिक्त यसको पेशागत विकास अभियान र शिक्षण प्रशिक्षणमा संलग्न १५ जनाको लिखित अन्तरवार्ता समेटिएको छ । किताबको परिचय खण्डमा नेपाली मिडियाका केही अभ्यास र प्रवृत्ति शर्ीष्ाकमा चौतारीका मिडिया अनुसन्धानकर्ता पराजुलीलेे नेपाली मिडियाको वर्तमान अवस्थाका सम्बन्धमा विस्तारपर्ूवक चर्चा गरेका छन् । त्यसक्रममा काठमाडौंकेन्द्रित प्रवृत्ति, सरकारी वा व्यापारिक स्वामित्व, पत्रकारको कम योग्यता अनि लैङ्गकि र जातीय प्रतिनिधित्वको अभावलाई नेपाली मिडियाका कमजोर पक्षका रूपमा प्रस्तुत गरिएको छ । |
पत्रकारितादेखि
मानवअधिकारसम्म
आमसञ्चार र पत्रकारिता अध्ययन
लेखकः भानुभक्त आचार्य
प्रकाशकः प्रधान बुक हाउस, काठमाडौं
पृष्ठः ४८४, मूल्यः रु.२५०
|
पत्रकारिताका विद्यार्थीहरूको आवश्यकतालाई ध्यानमा राखेर तयार गरिएको पुस्तकले सञ्चार, पत्रकारितादेखि कानून र मानवअधिकारसम्मको विषयवस्तु समेट्न खोजेको छ । पुस्तकमा समेटिएका सामग्री विशेषतः विभिन्न अङ्ग्रेजी ग्रन्थबाट भावानुवाद र नेपाली पर्रि्रेक्ष्यमा उपयोगी हुने गरी कुशलतापर्ूवक प्रस्तुत गरिएका छन् । पुस्तकको विशेषता धेरै प्राविधिक शब्दावलीको नेपाली रुपान्तरण पनि हो । छापा र प्रसारण माध्यमबीचको भिन्नता पुस्तकमा स्पष्टसँग प्रस्तुत गरिएको छ । राष्ट्रिय मानवअधिकार आयोगका सर्म्वर्द्धन अधिकृत आचार्यले सामाजिक न्यायप्रति सचेत र जिम्मेवार पत्रकारिताको विकासमा जोड दिएका छन् । |
रसिला उपाख्यान
उखानः लोक प्रचलित कथनका व्याख्यान
संकलकः शंकरदेव ढकाल
प्रकाशकः नामग्याल इन्स्िटच्युट अफ टिबेटोलोजी, देवराली, गान्तोक
पृष्ठः ३९९±१८, मूल्यः भा.रु. २००
|
नेपाली भाषीको अतीत र इतिहाससँग जोड्ने उखानहरूको सङ्कलन गरिएको प्रस्तुत किताब एउटा उल्लेखनीय अभिलेख बन्न पुगेको छ । यसलाई नेपाली भाषी समाजको अन्वेषणशीलताको प्रमाणका रूपमा मात्र होइन, भाषिक अध्ययन र अनुसन्धानको साधनका रूपमा समेत लिन सकिन्छ । सिक्किम सरकारका अतिरिक्त सचिव ढकाललेदुई दशकभन्दा बढी समय लगाएर लगभग ११५० वटा भन्दा धेरै उखानलाई व्याख्यासहित समेटेका छन् । सङ्कलन 'अ' बाट शुरु भएको छ । 'अन्नभन्दा सन्नमा बल' भन्ने उखानबाट शुरु भएको पुस्तक वर्ण्ाानुक्रम अनुसार अघि बढ्दै 'ज्ञ'बाट आउने 'ज्ञानी मान्छे शत्रु न मित्रु'मा पुगेर टुङ्गन्िछ । |
| 