फोटोफिचर
सस्तो मोबाइल फोन
मोबाइलः सात प्रतिशत नेपालीसँग
१ असोज २०६४ देखि नेपाल टेलिकमले नेपालभरि मोबाइलबाट
मोबाइलमा फोन गर्दा एसटीडी शुल्क नलाग्ने व्यवस्था गरेको छ । यसले
नेपालको एक ठाउँबाट अर्को ठाउँमा सञ्चार सर्म्पर्क सहज बनाएको छ ।
सूचनाको छिटोछरितो मार्ग मोबाइल फोनबाट हुने सूचना आदानप्रदानले नेपालीहरूलाई
नजिक ल्याउने, अन्तरसम्बन्ध बढाउने मात्रै होइन देशको भौगोलिक दूरीलाई
समेत छोट्याउँदै लगेको छ ।
अहिलेसम्म नेपाल टेलिकमले 'पोस्टपेड' एक लाख र 'प्रिपेड'
नौ लाख गरेर १० लाख मोबाइल फोन वितरण गरिसकेको छ भने निकट भविष्यमै
थप ६ लाख मोबाइल वितरण गर्ने तयारी गरिरहेको छ । यसबाहेक मेरो मोबाइलले
६ लाख र युटिएलका १ लाख २० हजार मोबाइलबाट ग्राहकले सेवा पाइरहेका
छन् । सबै जोड्दा अहिले १७ लाख २० हजार नेपालीले मोबाइल फोन प्रयोग
गरिरहेको देखिन्छ । यो सङ्ख्या कुल जनसङ्ख्याको ७ प्रतिशतको हाराहारी,
अर्थात् १५ जना नेपाली बराबर एउटा मोबाइल हुन आउँछ ।
तर अहिलेसम्म वितरित अधिकांश मोबाइल फोनहरू शहरियाका
हातमा छन् । अरूको वास्तै नगरी मोबाइलमै झुण्डिरहेका भेटिन्छन् शहरी
तन्नेरीहरू । सभा, सम्मेलन, बैठकमा कसैको परवाह नगरी प्रयोग गर्छन्
भलाद्मीहरू । हुँदा हुँदा अब त मोबाइल र क्यामेरा छुट्याउनै मुश्किल
हुन थालेको छ । समग्रमा यो सस्तो र व्यापक भएको छ । तर यसो हुँदा थपिने
जोखिम पनि उत्तिकै छन् ।
शब्द/तस्बिरः मीन बज्राचार्य
 |
| किरण पाण्डे |
 |
| किरण पाण्डे |
|
