| राविन
साय् मि |
 |
मुहूर्त
भनेको/सुनेको
"अहिले चुनाव गर्नु भनेको पञ्चायत पुनःस्थापना
गर्नु हो ।....राजाको छत्रछायाँमा स्वतन्त्र चुनाव हुनसक्दैन । भइहाल्यो
भने पनि प्रतिनिधिसभा नभई पञ्चायतको पुनःस्थापना हुनेछ ।"
-विश्वनाथ
उपाध्याय
पूर्वप्रधानन्यायाधीश, (कान्तिपुर, २३ कात्तिक २०६२)
"कसैले ठानेजस्तो प्रजातन्त्र मास्नको लागि
१९ माघको कदम चालिएको होइन ।"
-श्री
५ ज्ञानेन्द्र
र्सार्कको १३ औँ शिखर सम्मेलन, ढाकामा
अङ्क र अर्थ
५०
करोड र्सार्क क्षेत्रमा गरीबीको रेखामुनि रहेको कुल जनसङ्ख्या । विश्वको
२३% जनसङ्ख्या बस्ने यस क्षेत्रका ४०% मानिसहरूले दैनिक १ अमेरिकी
डलरभन्दा कम कमाउँछन् ।
४९
हजार अधिराज्यभरि 'भिटामिन-ए' क्याप्सुल वितरण गर्ने स्वयंसेवी नेपाली
हजुरआमाहरू । तिनीहरूले बर्सर् ३५ लाख बालबालिकालाई 'भिटामिन-ए' खुवाउँछन्
।
हिँड्दा-हिँड्दै
१९ माघको शाही कदमपछि गठित भ्रष्टाचार नियन्त्रण
शाही आयोग एकाएक शिथिल भएको छ । आयोगको आयु र औचित्यबारे अनेक खाले
अड्कलबाजी पनि चल्न थालेका छन् । तर प्रवक्ता प्रेमराज
कार्की भन्छन्, "आन्तरिक रूपमा काम सुचारु छ, नदेखिएको
मात्रै हो ।"
शरद के.सी. |
शाही आयोग त निदाए जस्तो छ नि
?
बाहिरबाट हर्ेदा केही नभएको जस्तो देखिए पनि यतिबेला आयोगमा उजुरीहरूको
विषयको गम्भीरतालाई हेरी काम भइरहेको छ । यथार्थमा आयोग भ्रष्टाचार
नियन्त्रणमा गर्न सक्रिय रुपले लागिरहेको छ ।
शुरुशुरुमा जस्तो कारबाही गरेको
त देखिँदैन ?
त्यस्तो लागेको मात्रै हो । वास्तवमा भ्रष्टाचारजन्य विभिन्न विषयउपर
आन्तरिक अनुसन्धान तहकिकात जारी छ ।
आयोगको काममाथि अदालतको हस्तक्षेपले
गति सुस्त भएको हो कि ?
होइन, होइन । अदालतले तोकेर आदेश दिएका मुद्दामा बाहेक अन्य काम पर्ूववत्
सुचारु छन् । अरू मुद्दामा त्यसको असर पर्ने कुरा पनि हुँदैन ।
आयोगमा कुन क्षेत्रसँग सम्बन्धित
व्यक्तिहरूविरूद्ध बढी उजुरी परेका छन् ?
राजस्वमा क्षति पुर्याउने र राष्ट्रसेवक कर्मचारीहरूविरूद्ध सबैभन्दा
बढी र त्यसपछि अकुत सम्पत्ति कमाएको भनेर राजनीतिसँग सम्बद्ध व्यक्तिहरूको
विरूद्ध उजुरी परेका छन् ।
शुरुमा त राजाको १९ माघको कदमसँग
असहत हुनेहरूमाथि निकै खनिनुभएको थियो नि ?
त्यो विल्कुल होइन । आयोगले व्यक्तिभन्दा पनि विषयको गम्भीरतालाई हेरेर
कारबाही गरेको छ र गर्छ पनि ।
विश्वसनीयता जोगाउन कत्तिको
गाह्रो परेको छ ?
श्री ५ को निर्देशनमा संविधानको धारा १२७ अनुसार गठन भएको आयोगको काम
कारबाही र विश्वसनीयतामा केहीले फरक पारेको छैन ।
|
