रिपोर्ट - माओवादी

कोल्टीमा हल्ला पिलीमा हमला

रामेश्वर बोहरा

माओवादीले आक्रमण गर्ने प्रचार गरेपछि १० साउनमा बाजुराको कोल्टीमा उतारिएका सेना -माथि) र निर्माणाधीन कर्ण्ााली राजमार्ग ।

साउन शुरुदेखि नै माओवादीले बाजुराको कोल्टी वा सदरमुकाम मार्तडी आक्रमण गर्ने हल्ला चलाएको थियो । यो हल्लापछि ती स्थानमा शाही सेनाको सुरक्षा बल थपियो -हे. तस्बिर) भने सुदूरपश्चिमका अन्य जिल्ला सदरमुकामको सुरक्षा र्सतर्कता बढाइयो । तर, माओवादीले सुदूरपश्चिममा पर्ने बाजुरामा नभई त्यसको छिमेकी मध्यपश्चिमको कालीकोटमा कर्ण्ााली राजमार्ग बनाउन बसेको सेनामाथि हमला गरेर ठूलो क्षति पुर्‍याए ।

माओवादी सूत्रका भनाइमा, पश्चिम डिभिजनले हतारमा छानेको थियो पिलीको बेसक्याम्प जहाँ १२ दिनअघि मात्र सेना बस्न थालेको थियो  । हतियारले सुसज्जित भएपनि वरिपरि अग्ला डाँडा र तलतिर तिला नदीको खोँचमा राखिएको क्याम्पको वरिपरि सामान्य डिफेन्स पोष्टहरू बनाइएका थिए, बङ्करलगायतका सुरक्षित पोष्टहरू थिएनन् । वरिपरिका ठूलाठूला ढुङ्गामा आड लिएर माओवादीले गरेको हमलाको प्रतिकार गर्न शाही सेनाका निम्ति सजिलो आड थिएन । आक्रमणको नेतृत्व गरेका माओवादीको पश्चिम डिभिजन कमाण्डर प्रभाकरका अनुसार, हमलाको स्थलगत योजना उपकमाण्डर 'विविध' ले बनाएका थिए ।

एकवर्षता लगातार पराजय भोग्दै आएको माओवादीले यत्रो भीषण हमला गर्लान् भन्ने अनुमान पक्कै थिएन, मध्यपश्चिमको शाही नेपाली सेनालाई । बर्दियाको गणेशपुर, रुकुमको खारा र रुकुम-रोल्पाकै सीमाक्षेत्र दलसिंहमा पाएको विजयसँगै सेनाले बर्दियाको रम्भापुरमा माओवादीलाई नराम्रोसँग हराएको थियो ।

तर, २३ साउनमा कालीकोटको पिलीमा सेनाले भोगेको क्षतिले विगतका सबैखाले आकलनलाई गलत सावित गरिदिएको छ र माओवादी समस्याको सैन्य समाधान खोज्नेहरूलाई गतिलो जवाफ पनि दिएको छ । ६० जना सेना व्रि्रोहीको नजरबन्दमा छन्, मारिने र बेपत्ता हुनेको सङ्ख्या जोड्दा सयको हाराहारी हुन आउँछ, बाँकीले मुश्किलले ज्यान जोगाएका छन् । योभन्दा पनि ठूलो क्षति उल्लेख्य मात्रामा आधुनिक हातहतियार व्रि्रोहीको हातमा परेको छ । कतिपयका भनाइमा सेनाले यति ठूलो क्षति यसअघि व्यहोरेको थिएन ।

शरद के.सी

माओवादीका पश्चिम डिभिजन कमाण्डर 'प्रभाकर' (भाषण गर्दै), डिभिजन प्रवक्ता 'सर्ुदर्शन' र पिली आक्रमणका स्थलगत योजनाकार 'विविध' (दायाँबाट क्रमशः बसिरहेका) ।

पिलीबाट १ सय ५० वटा बमसहितको ८१ एमएम मोर्टर्ााएउटा, ५ हजार गोलीसहित एकनाल जीपीएमजी, २० नाल एलएमजी, २ व्यारेल टु इन्च मोर्टर्ाार त्यसको बम दर्ुइ सय, ७० नाल इन्सास राइफल, ८० नाल एसएलआर, २ नाल एसएमजीलगायतका विष्फोटक पदार्थ कब्जामा लिएको माओवादीले जनाएको छ ।

माओवादी आक्रमणसँगै कर्ण्ााली राजमार्गको भविष्य अन्योलमा परेको छ । सेनाले निर्माण कार्यलाई निरन्तरता दिने बताए पनि पाइलैपिच्छे माओवादी अवरोधको सामना गर्नर्ुपर्छ । १३२ किलोमिटर खण्डमा सडक निर्माण गर्ने जिम्मा लिएको चिनियाँ कम्पनी माओवादी असुरक्षा देखेर ११२ किलोमिटरबाट अघि बढेन । त्यसैले १३२ किमिबाट जिम्मा लिए पनि सेनाले ११२ किमिबाटैै काम थालेको छ । जुम्लातर्फो ३२ किलोमिटर खण्ड भने स्थानीय समुदायहरूले बनाइरहेका छन् । सेनाको जिम्मामा रहेको खण्ड सबैभन्दा अप्ठ्यारो खण्ड मानिन्छ । हमलापछि कर्ण्ााली अञ्चलमा मोटरबाटो बन्ला भन्ने आशा कर्ण्ाालीबासीले छाड्दै गएका छन् । मुगु जिल्ला विकास समितिका पर्ूव सभापति मोहन बानियाँ भन्छन् "एउटै आशा सेनाले बनाउला भन्नेथियो, अब त्यो पनि बाँकी रहेन ।"

रामेश्वर बोहरा, नेपालगन्जमा