| अर्थ/संक्षेप
दिल्ली-दुबईका लागि तयार
चितवनको गुञ्जनगरमा पाँच बिघा जमिन भाडामा लिएर ग्लाडुलस
फूल लगाउन शुरु गरेका प्रकाश पन्तले गत वर्षेखि कटफ्लावरको निर्यात
गर्न थालेका छन् । उनले गत मङ्सिरदेखि चैतसम्ममा रु.१० लाखको कटफ्लावर
बेचिसकेका छन् । चार वर्षघि भारतको कालिम्पोङ र देहरादुनबाट बीउ ल्याएर
ग्लाडुलस खेती शुरु गरेका पन्तले काठमाडौँका लोकनाथ गैरेसँग मिलेर
यो व्यवसाय गर्दैछन् ।
गत पुस-माघमा काठमाडौँमा कटफ्लावर खपत नभएपछि उनले दर्ुइ
खेप दिल्ली पठाएका थिए । दिल्लीका पुष्प पारखीहरूले आफ्नो उत्पादनलाई
मन पराएर बढी मूल्य दिएको उनी बताउँछन् । कटफ्लावर निर्यात हुन थालेकोमा
खुशी हुँदै उनी भन्छन्, "खाडी मुलुकसँग पनि यसबारे सम्झौत भएको
छ ।" दिल्लीको घरेलु कटफ्लावर दर्जनको रु.४५-५० मा बिक्री हुने
गरेकोमा यहाँबाट लगिएका कटफ्लावर रु.६० मा बिक्री भएको थियो । चितवनका
अहिलेसम्म सबैभन्दा बढी परिमाणमा ग्लाडुलस लगाउने कृषक प्रकाश यसबाट
चार महिनामै प्रतिकट्ठा लगभग रु.७ हजार आम्दानी हुने दाबी गर्छन् ।
दर्ुइ लाख थान कटफ्लावर बेचिसकेका पन्तले बेमौसमी कटफ्लावरसँगै थप
दर्ुइ बिघा जमिनमा बीउ पनि उमारेका छन् । सालाखाला रु.५ प्रतिगोटामा
बिक्री हुने ग्लाडुलसको प्रत्येक गानो रु. ३ देखि ५ सम्ममा बिक्री
हुन्छ ।
नेपालमा भर्खरै मात्र पुष्पखेतीले व्यावसायिक रुप लिँदै
गरेको अवस्थामा कटफ्लावर उत्पादन गर्ने काठमाडौँपछि चितवन नै हो ।
यहाँ १५ कृषकले करीब २० बिघा जग्गामा ग्लाडुलस लगाएको कृषि विकास कार्यालय
चितवनका कृषि प्रसार अधिकृतर् इश्वरी न्यौपाने बताउँछन् । हुनत प्रकाश
यो व्यवसाय गर्ने चितवनका प्रथम कृषक भने होइनन् । करीब पाँच वर्षघि
रत्ननगर-७ का नारायण शर्माले तीन बिघा जमिनबाट ग्लाडुलस खेतीको सुरुआत
गरेका थिए । गत वर्षनेपालमा रु.२० करोडको फूल कारोबार भएकोमा रु.४
करोडको त कटफ्लावर मात्रै थियो ।
•
एकल सिलवाल, चितवन
अब बिजुली बस
विश्व बजारमा पेट्रोलियम पदार्थको मूल्य आकासिइरहेको
बेलामा हिमालयन लाइट फाउण्डेशन -एचएलएफ) ले ब्याट्रीबाट चल्ने बस गुडाउन
थालेको छ । १२ वैशाखदेखि राजधानीका सडकमा गुडाउन थालिएका तीन वटा बिजुली-बस
-इभी-१र्,र् इभी-२ र ३ इभी-३) पनि तीनै किसिमका छन् । यी प्रारुप बसको
डिजाइन, विकास र निर्माण युएनडीपीको लघु अनुदान कार्यक्रम र स्वीस
विकास सहयोग -एसडीसी) को आर्थिक लगानीमा भएको हो । ब्याट्रीद्वारा
सञ्चालन हुने गाडीको विकास र विस्तारका निम्ति थप आर्थिक सहयोग जरुरी
रहेको एचएलएफका कार्यक्रम प्रबन्धक यादव गुरुङले बताएका छन् ।
नयाँ स्वादको म्याकवर्ग
म्याकवर्ग नेपाल प्रा.लि. ले बियर पारखीहरूका लागि
नयाँ स्वादको बियर बजारमा ल्याएको छ । ६५० मिलिको बोतलमा उपलब्ध म्याकवर्ग
प्रिमियम लागर बियरमा नेपाली उपभोक्ताको स्वादलाई ध्यानमा राखी अल्कोहलको
अंश ५.४% मात्र राखिएको दाबी कम्पनीको छ । नवलपरासीस्थित सनगोल्ड ब्रुअरीबाट
उत्पादित यस बियरको प्रति बोतल उपभोक्ता मूल्य रु.८५ रहेको छ । आकर्ष
डिजाइनमा उपलब्ध यो बियर नयाँ स्वाद खोज्ने उपभोक्ताहरूमाझ छिट्टै
लोकप्रिय हुने विश्वास कम्पनीले राखेको छ ।
वायुपंखी घोडा बिर्साउने युनिकर्न
वायुपंखी घोडामा उड्ने बाल्यकालीन सपना साकार पार्ने
भनी स्याकर कम्पनीले होण्डाको युनिकर्न मोटरसाइकल बजारमा प्रस्तुत
गरेको छ । मोनो सस्पेन्सन; सीभी कार्बोरेटर र मल्टिम्यापिङ सीडीआई
समेत भएका कारण १५० सीसीको युनिकर्न मा खराब बाटोमा पनि नरम र लचकता
अनुभव हुने, मोड्न सजिलो र झड्का पैदा नहुने दाबी कम्पनीले गरेको छ
।
अघिल्लो साता राजधानीमा आयोजित युनिकर्न को टेष्ट ड्राइभ
कार्यक्रममा होण्डा मोटरसाइकलका ३५० पारखीहरू भेला भएका थिए । युनिकर्न
को शुभारम्भ मूल्य ब्रेकको भिन्नताका आधारमा रु.१ लाख ३५ हजार र रु.१
लाख ४० हजार तोकिएको छ ।
टु-पीएम को नयाँ चिनारी
आक्रामक विज्ञापन शैली र एकपछि अर्को उपहार कार्यक्रममार्फ्
छोटो अवधिमै आफ्ना उत्पादनहरू बजारमा स्थापित गराउन सफल एसियन थाई
फुड्स प्रा.लि. ले आफ्नो प्रमुख ब्राण्ड- टु-पीएम चाउचाउलाई नयाँ किसिमले
चिनाउन नयाँ नाराः एक दम उत्कृष्ट, एक दम स्वादिलो -सो स्मूथ, सो डेलिसियस)
तय गरेको छ । चिकेन, भेजिटेबल र तोमयम स्वादमा ७५ ग्राम र फेमिली प्याकमा
समेत उपलब्ध टु-पीएम उत्पादन गर्ने थाई फुड्स स्तरीयताका निम्ति आईएसओ
प्रमाणपत्र प्राप्त कम्पनी हो ।
|
